Janqosh Turarov mysyrlyq boksshyny 45 sekýndta úıine qaıtardy

NUR-SULTAN. QazAqparat — Elordanyń J.Úshkempirov atyndaǵy Jekpe-jek saraıynda ótip jatqan kásipqoı boks keshinde Janqosh Turarov qarsylasyn tehnıkalyq nokaýtpen utty, dep habarlaıdy QazAqparat tilshisi.

Táýelsizdiktiń 30 jyldyǵyna oraılastyrylǵan boks keshinde belgili kásipqoı boksshy Janqosh Turarov pen mysyrlyq Abdýmonem Saıd qolǵap túıistirdi.

10 raýndyq jekpe-jektiń alǵashqy raýndynda-aq qazaqstandyq sportshy qarsylasyna baýyrdan aýyr soqqy jasap, kezdesýdi erte aıaqtady.

Aıqas 45 sekýnd ishindpe támam boldy.

Budan buryn habarlanǵandaı, búgingi boks keshi «Habar» telearnasynyń tikeleı efırinen kórsetilip jatyr.

Aıta keteıik, keshtiń basty jekpe-jeginde qazaqstandyq Olımpıada chempıony Danııar Eleýsinov pen argentınalyq Hýan Ernan Leao jartylaı orta salmaqtaǵy IBO chempıondyq belbeýin sarapqa salady.

Otandasymyz buǵan deıin kezdesý ótkizip 16 kezdesý ótkizip, onyń altaýyn nokaýtpen aıaqtasa, onyń qarsylasy 15 jeńisiniń tórteýin nokaýtpen aıaqtap, bir jekpe-jegin sátsiz aıaqtaǵan.