Janqosh Turarov kelesi aıqasyn qashan ótkizetini anyqtaldy

NUR-SULTAN. QazAqparat – Birinshi jartylaı orta salmaqtaǵy qazaqstandyq boksshy Janqosh Turarovtyń (25-0, 18 KO) kelesi jekpe-jeginiń datasy belgili boldy. QazAqparat bul týraly Sports.kz portalyna silteme jasap habarlaıdy.

BoxRec.com málimetinshe, J.Turarov rıngke 19 naýryzda oralady. Boks keshi Máskeý qalasynda ótedi. Onyń qarsylasynyń esimi áli atalǵan joq. Jekpe-jek 10 raýndqa eseptelgen.

Qazaqstandyq sportshy buǵan deıingi aıqasyn 2021 jyldyń jeltoqsanynda QR Táýelsizdiginiń 30 jyldyǵyna arnalǵan boks keshinde ótkizgen edi. Ol 47 sekýnd ishinde mysyrlyq Abdýmonem Saıdti (22-2-1, 11 KO) nokaýtqa túsirdi.

Onyń aldynda boksshymyz 2019 jyldan beri kezdesý ótkizbegen.