Janqosh Turarov qarsylasymen kóz arbasty

ALMATY. QazAqparat – Qazaqstandyq boksshy Janqosh Turarov pen Lýıs Enrıke jekpe-jek aldynda resmı salmaq ólshep, kóz arbasý rásimin ótkizdi, dep habarlaıdy QazAqparat tilshisi.

Erteń men jeńis úshin judyryqtasamyn. Kóńil-kúı jaqsy. Belbeýdi óz Otanymda qaldyrǵym keledi. Eshqandaı boljam joq. Bul – sport, munda bári bolýy múmkin. Erteńgi rıngtegi kezdesý kórsetedi, -

dedi Janqosh Turarov baspasóz máslıhatynda.

Onyń qarsylasy Lýıs Enrıke de Qazaqstanǵa jeńis úshin jetkenin málimdedi. Aıta keteıik, ıspanııalyq boksshy Qazaqstanǵa 8 jeltoqsan kúni ushyp keldi.

Eske salaıyq, 11 jeltoqsan kúni kásipqoı boks shoýynyń basty jekpe-jegi jeńilip kórmegen Janqosh Turarov (25-0, 18 KO) pen azýly Lýıs Enrıke Romero (11-5-1, 7 KO) arasynda ótedi. Qaýipti ári asa tartysty bolatyn bul aıqasta IBO Intercontinental chempıondyq tıtýly báske tigilgen.

Lýıs Enrıke óziniń DAZN aıasynda ótken sońǵy jekpe-jeginde myqty rýmyndyq rıng sheberin nokaýtpen jeńip, álemdik Boxrec reıtıngindegi TOP-60 boksshynyń qataryna kirdi.

Kásipqoı boks keshin áıgili DAZN strımıngilik servısi tikeleı translıatsııada jahannyń 100 mıllıon aýdıtorııasyna taratpaq. Bul – el sporty tarıhyndaǵy eleýli oqıǵanyń biri ári bedeldi sport platformasynyń elimizdegi alǵashqy efıri.

Boks keshinde Elhan Tabynbaev (5-0, 3 KO) pen brazılııalyq Mateýs Da Sılvamen (7-0, 3 KO) judyryqtasady.

Angelına Lýkas (2-0, 1 KO) osy keshte tanzanııalyq minezdi qyz Lýlý Kaıagemen (8-8-4, 2 KO) UBO chempıondyq tıttýlyn sarapqa salady.

Bul boks keshiniń tórinde Álıhan Tólenbaev (2-0, 1 KO) pen Adlan Selmýrzaev (4-0, 3 KO) sekildi qylyshtaı jarqyldaǵan jastar da ónerin kórsetedi.