Janqosh Turarov argentınalyq nokaýtshymen jekpe-jekke shyǵatyn boldy
ASTANA. QazAqparat - 21 kezdesý ótkizip, birde-bir márte jeńilmegen jartylaı orta salmaqtaǵy qazaqstandyq kásipqoı boksshy Janqosh Turarov kelesi kezekte kimmen aıqasatyny belgili boldy, dep habarlaıdy «QazAqparat» HAA tilshisi Sports.kz saıtyna silteme jasap.
Basylymǵa Janqoshtyń ózi kimmen shyǵatynyn aıtyp bergen. Qazaqstandyq boksshy kelesi kezdesýin argentınalyq Brýno Leonardomen ótkizbek.
Aıqas 21 shildede AQSh-ta uıymdastyrylmaq.
Argentınalyq boksshy osy ýaqytqa deıin kásipqoı boks sharshy alańynda 25 kezdesý ótkizip, onyń 21-inde jeńiske jetse, 18 kezdesýde qarsylasyn nokaýtqa jibergen. Sońǵy ret ol 2015 jyldyń mamyr aıynda Raıan ıAngten upaı boıynsha jeńilis tapqan. Sol ýaqyttan beri ol 13 kezdesý ótkizip, barlyǵynda jeńiske jetken. Argentınalyq boksshy 2017 jyldyń 14 mamyrynda otandasy Martına Alehandro Kýroskıdi jetinshi raýndta nokaýtqa túsirip, jeńis tuǵyrynan kóringen.
Al Janqosh Turarov sońǵy kezdesýin osy jyldyń mamyr aıynda ótkizgen bolatyn. Qazaqstandyq boksshy ol kezdesýde meksıkalyq Gýstavo Garıbaıdy úshinshi raýndta tehnıkalyq nokaýtpen utqan. Jańqosh Domınıkan elinde toǵyz, AQSh-ta alty kezdesý ótkizip úlgergen. Jerlesimiz boks áleminde ózin birshama moıyndatyp keledi.
Jambyl oblysynda dúnıege kelgen boksshy 9 qyrkúıekte Astanada judyryqtasýy múmkin.
