Janqosh Turarov aldaǵy jekpe-jegine daıyndalý úshin AQSh-qa attanbaq
ASTANA. QazAqparat - Qazaqstandyq kásipqoı boksshy Janqosh Turarov aldaǵy jekpe-jegine daıyndalý úshin AQSh-qa attanbaq, dep habarlaıdy QazAqparat tilshisi.
Bul týraly ol óziniń Feısbýktegi paraqshasynda habarlady.
«Assalaýmaǵaleıkúm, ardaqty aǵaıyn! Erteń AQSh eline Maıamı qalasyna oqý-jattyǵý jıyndaryna attanamyn. Maqsatymyz aldaǵy jekpe-jekke daıyndyq. Qazirgi tańda promoýterim keleshek qarsylasymdy anyqtaý ústinde. Kelissózder júrip jatyr. AQSh - ta rıngte eki kezdesý ótkizý josparymyzda bar. Alla sətin bersin! Qoldaý bildirip, ərkez jigerlendirip otyratyn jankúıerlerge myń alǵys. Osy maqsatymyz oıdaǵydaı oryndalaryna senemiz. Alla buıyrtsa «EXPO-2017» kórmesi aıasynda da judyryqtasýym múmkin. Jaqyn ýaqytta jaqsy jańalyqtar kútińizder. Іske sát!!!», - dep jazdy boksshy Turarov
Aıta keteıik, 26 jastaǵy Janqosh Turarov kásibı rıngte 20 kezdesý ótkizip, barlyǵynda jeńiske jetken.
