Jankeshti-lańkes áıel túriktiń Býrsa qalasynda ózin jaryp jiberdi
ASTANA. QazAqparat - Túrkııanyń soltústik-batysyndaǵy Býrsa qalasyndaǵy jarylysty jankeshti-lańkes áıel jasaǵan bolýy múmkin. Bul aqparatty búgin quqyq qorǵaý organdaryna silteme jasap «Ihlas» agenttigi habarlady.
Polıtsııa jarylys bolǵan jerdegi syrtqy baqylaý kameralarynyń jazbalaryn zerttedi. Agenttik onda bomba 25 jastaǵy áıeldiń sómkesinde bolýy múmkin ekendigi kóringen, dep habarlady. Ázirge bılik bul másele jóninde resmı málimdeme jasaǵan joq. Tergeý sharalary jalǵasýda, dep habarlady TASS.
Jarylys saldarynan 10-nan astam adam jaralandy, oqıǵa ornynan áıel adamnyń denesi tabyldy. Zardap shekkenderdiń bári aýrýhanaǵa jetkizildi.
Polıtsııa oqıǵa bolǵan aýdandy jáne onyń mańaıyndaǵy avtojoldy áli tolyq jaýyp otyr. Qalada avtomashınalardy tekserý jáne kúdikti adamdardy tintý júrgizilýde.
