Jankeshti dinbasyna shabýyl jasap, 25 adam mert boldy
ASTANA. QazAqparat - Nıgerııada jankeshtiniń shabýyly saldarynan keminde 25 adam opat boldy, dep habarlady sheteldik BAQ.
Taratylǵan aqparatqa qaraǵanda, sodyr «Boko Haram» tobynyń áreketin birneshe márte syn tezine alǵan yqpaldy ıslam dinin ýaǵyzdaýshyǵa qastandyq jasamaq bolǵan.
Oqıǵa kýágerleriniń aıtýynsha, jarylys Kadýn qalasyndaǵy kólik aǵyny mol kóshelerdiń birinde sheıh Dahırý Baýchı mashınasymen ótip bara jatqanda oryn alǵan. Aıta keterligi, bul dinı qyzmetshige buǵan deıin de qastandyq jasalǵan bolatyn.
Atalǵan shabýyldy eldegi birde-bir top óz moınyna alyp otyrǵan joq. Degenmen, «Boko Haram» toby buǵan deıin de Nıgerııanyń soltústik-shyǵysynda dál osyndaı shabýyl uıymdastyrǵan edi. Ol kezde sodyrlar óńirdegi mańyzdy kópirlerdiń birin jaryp jibergen.
