Jánııa Bekmuhambetova ústel tennısinen Ispanııadaǵy týrnırde top jardy

ASTANA. KAZINFORM – Ústel tennısinen Qazaqstan quramasynyń ókili Jánııa Bekmuhambetova Ispanııanyń Pladja-de-Aro qalasynda ótken WTT Youth Contender týrnırinde jeńis tuǵyryna kóterildi. 

Ulttyq olımpıadalyq komıtettiń habarlaýynsha, otandasymyz 13 jasqa deıingi jastar sanatynda úzdik atanyp otyr.

Jarys jolynda Jánııa Italııa, Ispanııa, Majarstan, Germanııa jáne Shveıtsarııa sportshylaryn 3:0 esebimen jeńip, qatarlastarynan bir bas joǵary ekenin kórsetti. 

Aıta keteıik, Bekmuhambetova munyń aldynda Bolgarııadaǵy týrnırde jeńiske jetken bolatyn. 

Eske sala keteıik, buǵan deıin Astanada alǵash ret arbadaǵy tennısten ITF Futures Series týrnıri ótetinin habarlaǵan edik.