Janııa Bekmuhambetova Italııadaǵy halyqaralyq týrnırde kúmis júldeger atandy
ASTANA. KAZINFORM — Ústel tennısinen Qazaqstan quramasynyń ókili Janııa Bekmuhambetova Italııanyń Lınıano qalasynda ótken WTT Youth Contender halyqaralyq týrnırinde kúmis medal jeńip aldy.
Otandasymyz U13 jas sanatynda ekinshi orynǵa ıe boldy.
QR UOK málimetinshe, jarys barysynda Janııa Bekmuhambetova Italııa ókili Vıktorııa Tamınıdi (3:0), rýmynııalyq Dıana Býrlakýny (3:0), ıtalııalyq Maııa Paveldi (3:0), aýstralııalyq Alıssa Iengti (3:0) jáne ıspanııalyq Karmen Gomesti (3:0) jeńdi.
Fınalda qazaqstandyq sportshy japonııalyq Kaede Neıaǵa 1:3 esebimen ese jiberip, týrnırdiń kúmis júldesin ıelendi.
Aıta ketsek, Dastan Sátpaev Qazaqstan týyn ustaǵan sheteldik jankúıerge jeıdesin syılady.
