Jánııa Áýbákirova Máskeý konservatorııasynyń sahnasynda óner kórsetti
MÁSKEÝ. 11 naýryz. QazAqparat - QR Halyq ártisi Jánııa Áýbákirova P.Chaıkovskıı atyndaǵy Máskeý konservatorııasynyń Kishi zalynyń sahnasynda óner kórsetti.
«Sergeı Rahmanınov. Týǵanyna 140 jyl qurmetine» atty kontsertte Marıın teatrynyń sımfonııalyq orkestriniń mýzykanttary: halyqaralyq baıqaýlardyń laýreaty, skrıpkashy Kırıll Terentev jáne RF eńbek sińirgen ártisi, vıolonchelıst Oleg Sendetskıı óner kórsetti. Roıalda - Qurmanǵazy atyndaǵy Qazaq ulttyq konservatorııasynyń rektory Jánııa Áýbákirova.
S.Rahmanınniń kameralyq-aspapty týyndylary: vıolonchel men fortepıanoǵa arnalǵan sonato jáne №2 elegııalyq trıo oryndaldy.
