«Janymda júr jaqsy adam...»: Astanada 8 naýryz qarsańynda fotobaıqaý ótedi
ASTANA.KAZINFORM - 8 naýryz – Halyqaralyq áıelder kúni qarsańynda «Astana Jastary» jastar resýrstyq ortalyǵy «Janymda júr jaqsy adam...» atty fotobaıqaý ótkizýdi qolǵa aldy, dep jazdy Astana qalasy ákimdiginiń resmı saıty.
«Astana Jastary» jastar resýrstyq ortalyǵy 35 jasqa deıingi tabysqa jetken, karerany, otbasyn jáne jeke damýyn úılestire bilgen jigerli ári shabyttandyratyn qyz-kelinshekterdiń vırtýaldy kórmesin uıymdastyryp jatyr.
Baıqaýǵa kimder qatysa alady:
• 35 jasqa deıingi;
• óz salasynda jetistikke jetken;
• qoǵamǵa úles qosyp júrgen;
• jastarǵa úlgi bola alatyn.
Qatysý úshin keminde 200 sózden turatyn jetistik tarıhyn (úshinshi jaqta – týystarynyń, dostarynyń nemese áriptesteriniń atynan) daıyndap, 1:1 formattaǵy sapaly fotosýretti qosa jarııalaý qajet.
Jarııalanymdy óz paraqshańyzǵa ornalastyryp, #8naýryz, #Janymdajúrjaqsyadam heshtegterin kórsetý, @astana_jastary paraqshasyn belgileý jáne jarııalanymdy storıske bólisý qajet.
Jumystar 5 naýryzǵa deıin qabyldanady. Úzdik oqıǵalar «Astana Jastary» ortalyǵynyń resmı paraqshasynda jarııalanady.
Aıta keteıik, japanda jalǵyz derlik qystaıtyn shopannyń bir kúni týraly fotoreportaj daıyndaǵan bolatynbyz.
