Jánibek Qandybaev Qazaqstannyń jasóspirimderi arasynan alǵashqy Olımpıada chempıony atandy
ASTANA. Tamyzdyń 16-sy. QazAqparat - 2010 jylǵy tamyzdyń 14-i men 26-sy aralyǵynda, Sıngapýrda álemniń 205 elinen kelgen sportshylar baq synasyp jatqan І Jasóspirimderdiń jazǵy olımpıada oıyndary ótip jatyr.
Olımpıadanyń alǵashqy oıyn kúni Qazaqstan úshin oljaly boldy, Astanadaǵy sportta daryndy balalarǵa arnalǵan resýpblıkalyq mektep-ınternattyń tárbıelenýshisi, Jambyl oblysynan shyqqan grek-rım stılindegi balýan Jánibek Qandybaev Qazaqstan qorjynyna altyn medal saldy. 69 kelige deıingi salmaq dárejesinde ol óziniń tórt tartysy boıynsha da jeńiske jetip, Olımpıada tarıhynda Qazaqstanyń jasóspirimderi arasyndaǵy alǵashqy altyn medal ıegeri retinde qalatyn bolady, dep habarlady QR Týrızm jáne sport mınıstrligi, Ulttyq shtattyq komandalar jáne sporttyq rezerv dırektsııasy men Sport jónindegi komıtettiń baspasóz qyzmeti.
