Jánibek hannyń kesenesin zertteý: Japonııada genetıkalyq saraptama jasalýda

KÓKShETAÝ. QazAqparat - Aqmola oblysynda Jánibek hannyń ortaǵasyrlyq kesenesiniń qırandylaryn ǵylymı-zertteý jumystary aıaqtalýǵa jaqyn. Arhelogııalyq qazba jumystary kezinde tabylǵan zattar Japonııaǵa genetıkalyq saraptamadan ótkizýge jiberildi. Bul týraly oblystyq mádenıet, arhıvter men qujattamalar basqarmasy basshysynyń mindetin atqarýshy Gúlmıra Beknazarova jýrnalıstermen ótken brıfıngte aıtty, dep habarlaıdy QazAqparat tilshisi.

«2018 jyly oblystyq mýzeıge arheologııalyq qazba jumystaryn júrgizý úshin berilgen lıtsenzııanyń arqasynda Qorǵaljyn aýdany aýmaǵynda ornalasqan Jánibek hannyń ortaǵasyrlyq kesenesiniń qırandylaryn ǵylymı-zertteý boıynsha qolǵa alynǵan jumystar aıaqtalýǵa taıaý. Bul jobaǵa 2019 jyly oblys ákimdigi tarapynan qarjylaı qoldaý kórsetildi», - deıdi Aqmola oblysynyń mádenıet, arhıvter men qujattamalar basqarmasy basshysynyń mindetin atqarýshy Gúlmıra Beknazarova.

Basqarma basshysy atap ótkendeı, keseneni zertteý jumystary 2 kezeńmen júrgizilgen. Jánibek-Shalqar kesenesiniń qırandylarynan tabylǵan zattardy jan-jaqty zerttegennen keıin ǵalymdar osynda han áýletiniń ókilderi jerlengen degen qorytyndyǵa kelgen.

«Tabylǵan arheologııalyq jádigerler Nur-Sultandaǵy Qazaqstan Respýblıkasynyń Ulttyq mýzeıine ótkizilip, sodan keıin Reseıdegi antropologııalyq kórinisti anyqtaý úshin Japonııaǵa genetıkalyq saraptamaǵa jiberildi. Zertteý qorytyndysy bıylǵy jyldyń sońynda shyǵarylady. Biraq biz qazirdiń ózinde tarıhı sensatsııanyń aldynda turmyz dep úmittenemiz», - dep tolyqtyrdy Gúlmıra Beknazarova.

Aıta keteıik, oblystaǵy 11 murajaı óz jobalaryn iske asyrýdy toqtatqan joq. Aǵymdaǵy kezeńde 1 595 ekskýrsııa, 439 dáris, 238 kórme uıymdastyrylyp, 936 murajaı zattary alynyp, óńdelgen.