«Jánibek batyr» kitaby jaryq kórdi
ASTANA. 21 maýsym. QazAqparat - Taıaýda Qazaqstan Jazýshylar odaǵynyń, Eýrazııa jazýshylar odaǵynyń múshesi,
qalamger Jádı Shákenulynyń «Jánibek batyr» atty jańa zertteý kitaby Almatydaǵy «Mereı» baspasynan jaryq kórdi.
Bul týyndy Jońǵar shapqynshylyǵy kezinde qazaq halqynyń azattyǵy úshin jan aıamaı kúresip, eren erlik kórsetken Er Jánibek Berdáýletulynyń (1714-1792) erlik izderi men batyrdy ulyqtaýǵa qatysty atqarylǵan is-sharalar tóńireginde sóz qozǵaıdy. Tarıh qatparyna tereńdeı úńilgen jazýshy eńbegi Er Jánibektiń Abylaı, Qabanbaı, Bógenbaı bastaǵan iri tulǵalarmen qatar júrgen batyrlyq bet-beınesin birshama ashyp kórsetken.
Ádebıettik silteme, qujat, sýret syndy naqty aıǵaqtar qamtylǵan sony derekterdiń izdenýshi jastar men ǵalymdarǵa, jalpy oqyrmanǵa bereri mol.
Jazýshynyń buǵan deıin «Aqbota», «Balqaımaq»,«Qytaıdaǵy qazaqtar», «Bir ýys səýle», «Jalǵyzdyń úni», «Qaraly kósh», «Aq balapan» dep atalatyn shyǵarmalary ər jyldary jaryq kórgen bolatyn. Atalǵan týyndy táýelsizdik jyldarynda joǵy túgendelip jatqan qazaq tarıhyn taǵy bir kitappen tolyqtyrdy.
«Jánibek batyr» shyǵarmasynyń búgingi urpaqty otanshyldyq, erlik rýhyna tárbıeleýdegi mańyzy zor.
