Jánibek aýdanynda jappaı kásipkerlikti damytýǵa 105,7 mln teńge bólindi - BQO

Aýdandyq halyqty jumyspen qamtý ortalyǵynyń dırektory Nurpeıis Elemesovtiń aıtýynsha, «Baǵdarlamaǵa qatysýshylardy tehnıkalyq jáne kásiptik bilimmen jáne qysqa merzimdi kásiptik oqýmen qamtamasyz etý» 1-baǵyty boıynsha Jánibekte 127 adamdy oqytýǵa 21,489 mln teńge qaralǵan. Jyl basynan beri qazirdiń ózinde 124 adam aspaz, býhgalter, is júrgizýshi, elektrık, maldárigerlik óńdeý operatory jáne basqa mamandyqtar boıynsha oqýǵa joldandy.
Baǵdarlamanyń «Jappaı kásipkerlikti damytý» 2-baǵyty boıynsha 22 adamǵa 105,7 mln teńge nesıe berý kózdelýde. Kúni búgin «Igilik» baǵdarlamasy boıynsha «Aýyl sharýashylyǵyn qarjylaı qoldaý qory» AQ Batys Qazaqstan fılıaly arqyly mal sharýashylyǵyn damytamyn degen bes adam 26 mln teńge nesıe aldy. Sol sekildi «Іsker» baǵdarlamasyna sáıkes taǵy bes adam «Agrarlyq nesıe korporatsııasy» AQ arqyly 24,5 mln teńgeni mal bordaqylaý men mal soıý ornyna jumsamaqshy.
«Halyqty jumyspen qamtýǵa járdemdesý jáne eńbek utqyrlyǵy arqyly eńbek naryǵyn damytý» 3-baǵyty boıynsha 25 adamdy áleýmettik jumys oryndaryna jiberý úshin 4,223 mln teńge qarastyrylǵan bolatyn. Qazirgi tańda 10 jumys berýshimen kelisim-shart jasalyp, 30 adam joldandy. 2,053 mln teńge ıgerildi. Sondaı-aq 34 jas mamandy jastar tájirıbesimen qamtý úshin 11,572 mln teńge bólinse, sonyń 6,312 mln teńgesi ıgerildi. ıAǵnı 19 jumys berýshimen kelisilip, 32 jas óz ornyn tapty. Oǵan qosa jergilikti qazyna esebinen 565 adamdy aqyly qoǵamdyq jumysqa jiberý úshin 30 mln teńge qaralsa, 371 adam joldanyp, 19,8 mln teńge ıgerildi. Aýdanda 150 adam turaqty jumysqa ornalassa, sonyń 83-i - áıelder, 67-si - jastar.
«Halyqty jumyspen qamtý jáne jappaı kásipkerlikti damytýǵa serpin berip otyrǵan atalmysh baǵdarlama boıynsha kózdelgen jumystar jyl aıaǵyna deıin tolyq oryndalatyn bolady», - dedi N.Elemesov.