Jánibek Álimxanuly óz jankúıerlerine beıneúndeý joldady

NUR-SULTAN. QazAqparat - Búgin qazaq boksshysy AQSh-tyń Los-Anjeles qalasynda ótken jekpe-jekte eki tıtýldyq belbeýdi jeńip aldy, dep xabarlaıdy QazAqparat tilshisi.

"Jeńisterińiz qutty bolsyn! Bul - meniń ǵana jeńisim emes, sizderdiń de jeńisterińiz! Mynaý meniń alǵashqy on raýndyq jekpe-jegim, bul on raýndta tolyǵymen bokstasyp, jınaǵan tájirıbemizdi kórsetip jatyrmyz. Qudaı qalasa, aldaǵy ýaqytta qazaq stılin osylaı shyńdap, budan da úlken jekpe-jekter ótkizip, jeńiske jetemiz!", - dedi J.Álimxanuly óziniń áleýmettik jelidegi paraqshasynda.

Aıta keteıik, búgin Jánibek Álimxanuly kásibı bokstaǵy on raýndyq jekpe-jekti alǵash ret ótkizip, meksıkalyq Krıstıan Olıvasty (16-4, 13 KO) upaı sanymen jeńdi. Osylaısha, eki birdeı tıtýl - orta salmaqtaǵy WBO Global men WBC Continental Americas belbeýlerin ıelendi.