Jánibek Álimxanuly kásipqoı bokstaǵy ekinshi jeńisine jetti
ASTANA. QazAqparat - Búgin Astanadaǵy boks keshi aıasynda Jánibek Álimhanuly (1-0, 1KO) brazılııalyq Jılberto Dos Santospen (14-5-0, 10 KO) judyryqtasty, dep xabarlaıdy QazAqparat tilshisi.
Jánibek birden óziniń taktıkasyna kóship, djebpen de, búıirden urǵan soqqylarymen de qarsylastyń mazasyn aldy. Osydan keıin xýktaryn da, krostaryn da, apperkottaryn da daryta bildi. Brazılııalyq boksshy sonyń bárine shydady. Tipti, keıingi raýndtarda shabýylǵa kóshti. Degenmen, Jánibek Álimxanuly sheberlik jaǵynan qarsylasynan áldeqaıda joǵary ekenin kórsetti. Sóıtip, qarsylasyn aıqyn basymdyqpen jeńdi.
Kásipqoı bokstaǵy alǵashqy jekpe-jeginde Jánibek Álimxanuly Gennadıı Golovkınniń burynǵy qarsylasy - Mılton Nýnesti jeńgen bolatyn.
Aıta keteıik, búgingi boks keshiniń basty jekpe-jeginde Qanat Islam (24-0, 19KO) kanadalyq Brendon Kýkke (18-0, 11KO) qarsy shyǵady. Olar birinshi orta salmaqtaǵy WBA Inter-Continental jáne WBO-NABO nusqasynyń chempıondyq ataqtaryn sarapqa salatyn bolady.
Boks keshin «Qazsport» telearnasy tikeleı efırde kórsetip jatyr. 20:00-ge «Qazaqstan» ulttyq arnasy da tikeleı efırge shyǵady. Budan bólek, Fite.tv ınternet arnasy, sondaı-aq TVtibi men Flipps arqyly tikeleı reportajdar júrigiziledi.
Alǵashqy jekpe-jekte qazaqstandyq boksshy Meıirim Nursultanov bir mınýttyń ishinde óz qarsylasyn nokaýtpen jeńdi.
Al «Nıý-Iorktyń úzdik polıtseıi» Dımash Nııazov elirgen qarsylasyn sabasyna túsirdi.
Qazaqtyń jas nokaýtery Aıdos Erbosynuly da kezekti jeńisine jetti .
Al Álı Axmedov óz qarsylasyn texnıkalyq nokaýtpen jeńdi.
Nursultan Jańabaev ta óz ýádesin oryndap shyqty.
Asa aýyr salmaqta Rýslan Myrsataev tórtinshi jeńisine qol jetkizdi.
