Jánibek Álimhanulynyń jekpe-jegi keıinge qaldy

NUR-SULTAN. QazAqparat – Qazaqstandyq kásipqoı boksshy Jánibek Álimhanulynyń 28 naýryzǵa josparlanǵan kezekti jekpe-jegi keıinge qaldy, dep habarlaıdy QazAqparat tilshisi.

«Ókinishke oraı 28 naýryzda Kanadada ótetin jekpe-jek keıinge qaldy. Koronavırýstyń salqyny bizdiń jekpe-jekke de tıdi. Úsh aı qan men ter shyǵaryp, qyzý daıyndalyp, jaqsy formaǵa kirip edik. Myqty sparrıngter jasap, QAZAQ STYLE-dy shyńdap, shoý kórsetýge daıyn bolǵanbyz. Biraq Top renk (Top Rank Promotions kompanııasy) sportshylardyń densaýlyǵy mańyzdy dep sheshti. Bizdiń ǵana emes naýryz ben sáýirde ótetin búkil jekpe-jekter toqtatyldy», - dep jazdy Jánibek Álimhanuly Instagram -daǵy paraqshasynda.

Esterińizge sala keteıik, osyǵan deıin Jánibek Álimhanulynyń 28 naýryzda kimmen judyryqtasatyny týraly jazǵan bolatynbyz.