Jánibek Álimhanulynyń rıngke qashan oralatyny belgili boldy

NUR-SULTAN. QazAqparat – Orta salmaqta óner kórsetetin jeńilip kórmegen qazaqstandyq boksshy Jánibek Álimhanulynyń (8-0, 4 KO) kelesi jekpe-jeginiń merzimi belgili boldy, dep habarlaıdy Sports.kz.

Álimhanulynyń menedjeri Egıs Klımas Instagram paraqshasynda sportshynyń naýryzda rıngke oralatynyn jazdy:

«Biz rıngke naýryzda oralamyz, anonstar men jańalyqtardan habardar bolyp otyryńyzdar», - dep jazdy Klimas Management basshysy.

Jánibek Álimhanuly sońǵy aıqasyn 9 qarashada Kalıfornııa shtatyndaǵy Fresno qalasynda ótkizdi. Ol kanadalyq Albert Onolýnoseni (24-3-1, 8 KO) altynshy raýndta nokaýtqa túsirip, WBC Continental Americas jáne WBO Global chempıondyq tıtýlyn qorǵap shyqty.