Jánibek Álimhanulynyń naqty qarsylasy anyqtaldy
NUR-SULTAN. QazAqparat – Qazaqstandyq kásipqoı boksshy Jánibek Álimhanulynyń kezekti qarsylasy belgili boldy, dep habarlaıdy QazAqparat tilshisi.
Bul týraly boksshynyń PR menedjer Berik Sultan resmı túrde málim etti.
«Resmı! Jeńilmegenderdiń aıqasy! Qarsylas anyqtaldy. Jánibektiń qarsylasy 18 jekpe-jeginiń bárin jeńgen, onyń 15-in nokaýtpen utqan ganalyq ákki boksshy Samır. 28 naýryz», - delingen habarlamada.
Esterińizge sala keteıik, Jánibek Álimhanuly sońǵy jekpe-jegin 9 qarashada Kalıfornııa shtatynyń Fresno qalasynda ótkizdi. Ol kanadalyq Albert Onolýnoseni (24-3-1, 8 KO) altynshy raýndta nokaýtqa jiberip, WBC Continental Americas jáne WBO Global tıtýldaryn sátti qorǵady.
