Jánibek Álimhanulynyń kezekti jekpe-jeginiń datasy, qarsylasy anyqtaldy

NUR-SULTAN. QazAqparat – Jeńilip kórmegen qazaqstandyq boksshy Jánibek Álimhanulynyń kelesi qarsylasy, aıqastyń ótetin orny jáne datasy belgili boldy, dep habarlaıdy QazAqparat Sports.kz saıtyna silteme jasap.

Boxingscene.com-nyń jazýynsha, Álimhanulynyń opponenti – WBA nusqasy boıynsha orta salmaqtaǵy álemniń «turaqty» chempıony, amerıkalyq Rob Brant (26-2, 18 KO).

Orta salmaqtaǵy kezdesý 10 raýndqa eseptelgen jáne ol 26 maýsym kúni Las Vegasta (AQSh) Vasılıı Lomachenko — Masaesı Nakatanı boks keshiniń anderkardynda ótedi.

Eske salaıyq, Jánibek Álimhanuly sońǵy ret rıngke 2020 jyldyń qazanynda shyqty. Ol ekinshi raýndta argentınalyq boksshy Gonsalo Korııýdy (16-4, 6 KO) nokaýtqa jiberdi.