Jánibek Álimhanulynyń kelesi jekpe-jegi ótetin kún belgilendi

ASTANA. QazAqparat - Qazaqstannyń kásipqoı boksshysy Jánibek Álimhanulynyń kelesi jekpe-jegi qashan ótetini belgili boldy, dep habarlaıdy QazAqparat tilshisi.

Bul týraly boksshynyń «Janibek Alimkhanuly team» feısbýk paraqshasynda jazyldy.

«2 aqpanda Amerıkanyń Tehas shtaty, Frısko qalasynda Jánibek Álimhanuly kásipqoı bokstaǵy 5 jekpe-jegin ótkizedi. Qarsylas osy aptada belgili bolady. Jattyǵý qyzý júrip jatyr», - delingen habarlamada.

Eske sala ketsek, Jánibek Álimhanuly (3-0, 1 KO) 4 qarasha kúni ótken kásibı rıngtegi óziniń 4-shi kezdesýinde jeńiske jetken bolatyn. Ol El-Pasodaǵy boks keshinde (AQSh, Tehas shtaty) óner kórsetip, óziniń qarsylasy amerıkalyq Aleksander Vondy (12-1, 8 KO) ýaqytynan buryn jeńdi. Tóreshilerdiń sheshimimen Jánibek Álimhanuly jeńimpaz dep tanyldy. Osylaısha, onyń kásibı rıngtegi esebinde 4 jeńis bar.

Jánibek Álimhanuly (4-0, 1 KO) profı-rıngtegi tórtinshi jeńisinen keıin BoxRec.com beldi saıtyndaǵy reıtıngin jaqsartqan edi.