Jánibek Álimhanulynyń kelesi qarsylasy anyqtaldy

NUR-SULTAN. QazAqparat – Qazaqstandyq kásipqoı boksshy Jánibek Álimhanuly (6-0) kezekti jekpe-jegindegi qarsylasy anyqtaldy, dep habarlaıdy QazAqparat bokshynyń instagram paraqshasyna silteme jasap.

Qazaqstandyq boksshynyń qarsylasy Stıýard Makklel (27-3-3).

«Kalıfornııa shtatyndaǵy barsha qazaqstandyqtardy jekpe-jekti tamashalaýǵa shaqyramyn. Kók týdy ala kelińizder!! Jeńiste júzdeseıik», - dep jazady boksshy óziniń paraqshasynda.

Jánibek Álimhanulynyń aldaǵy jekpe-jegi 17 tamyzda AQSh-tyń Los-Andjeles qalasynda ótedi.

Eske sala ketsek, 13 sáýirde qazaqstandyq boksshy Jánibek Álimhanuly (4-0, 1 KO) alǵashqy tıtýldyq aıqasyn ótkizgen bolatyn. AQSh-tyń Los-Andjeles qalasynda bolǵan jekpe-jekte ol Krıstıan Olıvaspen (16-4, 13 KO) judyryqtasyp, jeńiske jetti. Qazaqstandyq boksshy orta salmaqtaǵy WBO Global jáne WBC Continental Americas belbeýlerin ıelendi.

Sondaı-aq, birden eki beldik ıelengen Jánibek Álimhanulynyń reıtıngi joǵarylady.