Jánibek Álimhanulynyń bapkeri Halyqaralyq boks dańqy zalynyń laýreaty atandy

ASTANA. QazAqparat - 2019 jyly Halyqaralyq boks dańqy zalyna qabyldanatyn boksshylar men fýnktsıonerlerdiń esimderi ataldy, dep jazady sports.kz.

Zamandastar arasyndaǵy laýreattar - eki dıvızıonda álem chempıony Donald «Lone Star Cobra» Karrı (34-6, 25 KO), Djýlıan «The Hawk» Djekson (55-6, 49 KO) jáne tanymal jattyqtyrýshy, sonyń ishinde qazaqstandyq boksshy Jánibek Álimhanulynyń (4-0, 1 KO) bapkeri Djeıms «Baddı» Makgırt (73-6-1, 48 KO) bar.

IBHOF-qa «Oldskýl» boksshylarynyń kategorııasynda jartylaı orta salmaqtaǵy chempıon Tonı Demarko (58-12-1, 33 KO) qabyldanady.

Olardan basqa, Halyqaralyq boks dańqy zalynda matchmeıker-promoýter Don Elbaým, referı-tóreshi Gaı Djatras, pýblıtsıst Lı Semıýels jáne telekommentator Teddı Atlas úshin de oryn tabylǵan.

Sondaı-aq IBHOF-qa qaıtys bolǵan jýrnalıst Marıo Rıvera Martınonyń esimi jazyldy.

Halyqaralyq boks dańqy zalyna jańa múshelerdi qabyldaýdyń jyl saıynǵy saltanatty sharalary 6-9 maýsym kúnderi aralyǵynda Nıý-Iork shtatynyń (AQSh) Kanastota eldi mekeninde ótedi.