Jánibek Álimhanulynyń bapkeri boksshynyń aldaǵy jospary týraly aıtty

ASTANA. QazAqparat - WBO nusqasy boıynsha orta salmaqtaǵy álem chempıony Jánibek Álimhanulynyń bapkeri Djeıms «Baddı» Makgırt qazaqstandyq boksshynyń brıtandyq Denzel Bentlımen ótkizgen kezdesýinen keıingi jospary jaıly aıtyp berdi, dep habarlaıdy QazAqparat, Sports.kz siltememen.

Qazaqstandyq kásipqoı boksshy Jánibek Álimhanuly (13-0, 8 KO) brıtanııalyq Denzel Bentlıdi (17-2-1, 14 KO) jeńip, álem chempıony ataǵyn qorǵaǵan bolatyn.

«Bir aptadan keıin Jánibekpen telefon arqyly habarlasamyz dep oılaımyn. Ol alǵash ret osyndaı kúrdeli jekpe-jek ótkizdi. Sondyqtan men oǵan óz sharýalaryn retke keltirýge ýaqyt beremin. Onyń úıine baryp kelgenin qalaımyn. Ol tórt aı boıy otbasyn kórmedi. Sol sebepti, úıge baryp, ýaqytyn jaqsy ótkizip qaıtsyn. Kelesi jyly oralǵanda qazir toqtaǵan jerimizden jalǵastyramyz. Ol aqpanda ne naýryzda qaıta oralǵanyn qalar edim. Men eski mekteptiń ókilimin», - dedi Makgırt.

Foto: Mikey Williams/Top Rank Inc via Getty Images