Jánibek Álimhanulynyń álem chempıony ataǵy úshin aıqasynyń qashan ótetini anyqtaldy

NUR-SULTAN. QazAqparat - Qazaqstandyq boksshy Jánibek Álimhanulynyń (11-0, 7 KO) WBO nusqasy boıynsha orta salmaqtaǵy «ýaqytsha» álem chempıony ataǵy úshin brıtandyq Dennı Dıgnýmmen (14-0-1, 8 KO) qashan judyryqtasatyny belgili boldy, dep habarlaıdy QazAqparat Sports.kz saıtyna silteme jasap.

Jánibek Álimhanulynyń álem chempıony ataǵy úshin jekpe-jegi ótetin kún resmı túrde belgili boldy.

Boxingscene.com saıtynyń habarlaýynsha, bul jekpe-jek 21 mamyrǵa josparlanǵan. Aıqas ótetin jer ázirge belgisiz.

Eske salaıyq, Jánibek Álimhanuly sońǵy jekpe-jegin byltyr qarasha aıynda ótkizgen – ol frantsýz Hassan Ndam Njıkammen (38-6, 21 KO) kezdesip, ony segizinshi raýndta nokaýtqa jibergen bolatyn. Dennı Dıgným bolsa, osy jyldyń aqpan aıynda, altynshy raýndta brıtandyq Grant Dennısti tehnıkalyq nokaýtpen (17-4, 3 KO) jeńdi.