Jánibek Álimhanulynyń AQSh-taǵy jekpe-jegi tikeleı efırden kórsetiledi

NUR-SULTAN. QazAqparat – Kásipqoı boksshy Jánibek Álimhanulynyń (10-0, 6KO) burynǵy álem chempıonyna qarsy aıqasy qazaqstandyqtar úshin tikeleı efırden kórsetiledi, dep habarlaıdy QazAqparat VKontakte áleýmettik jelisindegi «Qazaqstannyń kásipqoı boksy» paraqshasyna silteme jasap.

Orta salmaqtaǵy Qazaq style Nur-Sultan ýaqytymen 21 qarasha kúni tańerteń Las-Vegasta (AQSh, Nevada shtaty) Mandalay Bay Resort & Casino arenasyndaǵy boks keshi aıasynda rıngke shyǵady. Jeńilip kórmegen otandyq boksshynyń qarsylasy WBA Regular, WBO Interim jáne WBC Silver nusqalary boıynsha burynǵy álem chempıony frantsýz Hassan Ndam Njıkam (38-5, 21KO) bolady. Jekpe-jek «Qazsport» telearnasynan tikeleı efırden kórsetiledi. Efır saǵat 07:00-de bastalady.

Shoýdaǵy basty oqıǵa - Terens Kroýford (37-0, 28KO) pen Shon Porter (31-3-1, 17KO) aıqasy bolmaq.

Eske salaıyq, buǵan deıin The Ring bedeldi jýrnalynyń saıty barlyq salmaq dárejesindegi boksshylardyń jańartylǵan reıtıngisin usynǵan boaltyn. Onda birinshi orynda orta salmaqtaǵy IBF/IBO chempıony Gennadıı Golovkın tur. Jánibek Álimhanuly bul tizimde jetinshi ornyn saqtap qaldy.