Jánibek Álimhanuly jekpe-jekke qatyspaı-aq tolyqqandy álem chempıony atanýy múmkin
NUR-SULTAN. QazAqparat- Dúnıejúzilik boks uıymy (WBO) qazaqstandyq Jánibek Álimhanulyna (12-0, 8 KO) qýanyshty jańalyq jarııalady, dep habarlaıdy QazAqparat Sports.kz-ke silteme jasap.
WBO resmı túrde amerıkalyq boksshy Demetrıýs Andradege (31-0, 19 KO) orta salmaqtaǵy belbeýin qorǵaýdy buıyrdy. Eger ol bas tartsa, Jánibek Álimhanuly avtomatty túrde «ýaqytsha» álem chempıony ataǵynan «tolyqqandy» chempıon dárejesine ıe bolady.
Álimhanuly mamyr aıynda brıtandyq Dennı Dıgnýmdy (14-1-1, 8 KO) ekinshi raýndta nokaýtqa túsirip, WBO ýaqytsha belbeýin jeńip alǵan bolatyn. Andradege keletin bolsaq, ol da mamyr aıynda rıngke oralyp, ırlandııalyq Zak Parkermen (22-0, 16 KO) judyryqtasýy kerek edi, biraq jaraqat alyp, jekpe-jek ótpeı qaldy.
Foto: sports.kz