Jánibek Álimhanuly jaraqat alyp qaldy

ALMATY. QazAqparat -Qazaqstandyq orta salmaqtaǵy kásipqoı boksshy Jánibek Álimhanuly (9-0, 5 KO) 27 aqpanda Almatyda ótetin boks keshine qatyspaıdy, dep habarlaıdy QazAqparat Sports.kz saıtyna silteme jasap.

Sportshynyń komandasy málimdegendeı, Jánibek jattyǵý kezinde jaraqat alyp, jarystan shyqty. Endi qazaqstandyqtyń rıngke oralýy kóktemniń sońynda nemese jazdyń basynda bolady dep kútilýde.

Jánibek Álimhanulynyń aqpan aıyndaǵy jekpe-jegi boıynsha qarsylasy ázirge belgisiz.

Eske salsaq, Jánibek Álimhanuly Amerıkada jattyǵyp jatqan bolatyn.

Ol orta salmaqtaǵy WBO Global chempıony. Sońǵy jekpe-jegin qyrkúıek aıynda ótkizgen. Ol kezde argentınalyq boksshy Gonsalo Korııany (16-4, 6 KO) ekinshi raýndta nokaýtqa túsirdi.