Jánibek Álimhanuly WBO reıtınginde eki satyǵa joǵarylady

NUR-SULTAN. QazAqparat – «Qazaq style» laqap atyn tanymal kásipqoı boksshy Jánibek Álimhanuly (7-0, 2 KO) WBO reıtınginde eki satyǵa joǵarylady, dep habarlaıdy QazAqparat.

Bul týraly sportshy óziniń instagram paraqshasynda jazdy.

«WBO reıtınginde 15-shi orynnan 13-shi orynǵa kóterildik. Jospar boıynsha keler jyly 1-shi orynǵa shyǵyp chempıonǵa mindetti qarsylas atanýymyz kerek. Barymyzdy salamyz buıyrtsa», - deıdi sportshy.

Eske sala ketsek, Jánibek Álimhanuly kelesi jekpe-jegin 9 qarashada ótkizetinin buǵan deıin habarlaǵan bolatynbyz. Al sońǵy aıqasynda Jánibek Álimhanuly 27 ret jeńiske jetken qarsylasyn nokaýtqa túsirgen bolatyn. Orta salmaqtaǵy on raýndqa sozylǵan aıqasta Álimhanuly kanadalyqty besinshi raýndta tehnıkalyq nokaýtpen jeńdi.