Jánibek Álimhanuly WBO reıtınginde birinshi orynǵa jaqyndady
NUR-SULTAN. QazAqparat – Dúnıejúzilik boks uıymy (WBO) barlyq salmaq kategorııasyndaǵy boksshylardyń jańartylǵan reıtıngin jarııalady, dep habarlaıdy QazAqparat Sports.kz-ke silteme jasap.
Qazaqstandyq boksshylardyń pozıtsııasy:
Ekinshi orta salmaqta Aıdos Erbosynuly tórtinshi orynda qaldy. Bul dıvızıonda WBO álem chempıony – brıtandyq Bıllı Djo Sonders. Al úzdik úshtikti Ulybrıtanııanyń taǵy bir ókili Zak Parker, amerıkalyq Denıel Djeıkobs jáne kanadalyq Devıd Leme túıindedi.
Orta dıvızıonda Jánibek Álimhanuly úshinshi orynnan ekinshi orynǵa kóterildi, Qanat Islam bir satyǵa tómen túsip, besinshi orynda tursa, al Meıirim Nursultanov 13-orynda qaldy. Reıtıngide birinshi oryn meksıkalyq Haıme Mýngııaǵa tıesili, al brazılııalyq Eskıva Falkao úzdik úshtikte.
Orta salmaqtaǵy WBO álem chempıony —AQSh boksshysy Demetrıýs Andrade.
