Jánibek Álimhanuly WBC reıtınginiń úzdik úshtigine kirdi

NUR-SULTAN. QazAqparat – Dúnıejúzilik boks keńesi (WBC) barlyq salmaq dárejesindegi boksshylardyń reıtıngin jańartty, dep habarlaıdy QazAqparat Sports.kz saıtyna silteme jasap.

Orta salmaq dárejesinde qazaqstandyq boksshy Jánibek Álimhanuly altynshy orynnan úshinshi orynǵa kóterildi. Tizimde Meksıka boksshysy Haıme Mýngııa kósh bastap kelse, ekinshi orynda ýkraınalyq boksshy Sergeı Derevıanchenko tur. WBC-diń ortasha kategorııadaǵy álem chempıony – AQSh sportshysy Djermall Charlo.

Eske sala ketsek, 27 maýsym kúni Las-Vegasta ótken judyryqtasýda Jánibek WBA-nyń ortasha dıvızıonda burynǵy álem chempıony Rom Brantty tehnıkalyq nokaýtpen jeńdi. Ol kásipqoı bokstaǵy onynshy jeńisine qol jetkizdi

Sondaı-aq reıtıngte taǵy bir qazaqstandyq boksshy – Meıirim Nursultanovtyń esimi tur. Ol tizimde 14-shi orynda ornalasqan.