Jánibek Álimhanuly WBC reıtınginde úzdik 15 boksshynyń qataryna endi

NUR-SULTAN. QazAqparat – Eki tıtýl úshin aıqasta qarsylasyn nokaýtqa jibergen qazaqstandyq kásipqoı boksshy Jánibek Álimhanuly (8-0, 4 KO) WBC reıtınginde óz kórsetkishin jaqsartty, dep habarlaıdy QazAqparat tilshisi.

«Qazaqstan kásipqoı boksynyń» áleýmettik jelidegi paraqshasynda habarlanǵandaı, Jánibek oryndar týraly tábil relızinde 16-shy orynnan 15-shi orynǵa kóterilgen. Dıvızıondaǵy úzdik boksshylardyń úshtiginde amerıkalyq Denıel Djeıkobs, polıak Kamıl Sheremeta men ýkraınalyq Sergeı Derevıanchenko tur.

Eske sala ketsek, ótken aptada Jánibek Álimhanuly kanadalyq boksshy Albert Onolýnosty nokaýtpen jeńgen bolatyn. Osylaısha, 26 jastaǵy qazaqstandyq boksshy óziniń orta salmaqtaǵy WBC Continental Americas tıtýlyn qorǵap qaldy.