Jánibek Álimhanuly WBA reıtınginiń úzdikter qatarynan shyǵyp qaldy

NUR-SULTAN. QazAqparat - Dúnıejúzilik boks qaýymdastyǵy (WBA) barlyq salmaq dárejesindegi boksshylar reıtınginiń jańa nusqasyn usyndy. Bul týraly QazAqparat Sports.kz saıtyna silteme jasap habarlaıdy.

Osynyń aldynda jetinshi bolǵan orta salmaqtaǵy Jánibek Álimhanuly úzdik TOP-15-ten shyǵyp qaldy.

Eske salaıyq, 22 mamyrda «Qazaq stıli» laqap atymen belgili boksshy brıtandyq Dennı Dıgnýmdy nokaýtqa jiberip, WBO tujyrymy boıynsha «aralyq» álem chempıony ataǵyn jeńip aldy.

WBA Super nusqasy boıynsha orta salmaqtaǵy chempıon – qazaqstandyq Gennadıı Golovkın. Ol IBF jáne IBO beldikterine ıe.

Reıtınginiń alǵashqy «úshtigine» brıtandyq kishi Krıs ıÝbank, meksıkalyq Haıme Mýngııa jáne japon boksshysy Rıota Mýrata engen.

Buǵan deıin Boxrec.com saıtynyń úzdik qazaqstandyq boksshylar reıtınginiń jańartylǵan nusqasyn usynǵan bolatynbyz. OndaJánibek Álimhanuly (12-0, 8 KO) Gennadıı Golovkınnen (42-1-1, 37 KO) keıin ekinshi orynda tur.