Jánibek Álimhanuly WBA reıtınginiń úzdik ondyǵyna endi

NUR-SULTAN. QazAqparat - Orta salmaqtaǵy qazaqstandyq boksshy Jánibek Álimhanuly Dúnıejúzilik boks qaýymdastyǵynyń (WBA) 2021 jyldyń qorytyndysy boıynsha TOP-10 reıtıngindegi ornyn saqtap qaldy, dep habarlaıdy QazAqparat Sports.kz-ke silteme jasap.

Ótken jylǵy rangtar týraly tabeldiń qorytyndy shyǵarylymynda Jánibek segizinshi orynda qaldy. Alǵashqy úshtikti brıtandyq Krıs ıÝbenk, Meksıkadan kelgen Haıme Mýngııa jáne reseılik sportshy Magomed Madıev quraıdy. WBA Super álem chempıony - japondyq Rıota Mýrata, al Kýbanyń ókili Erıslandı Lara «qarapaıym» tıtýlǵa ıe.

Esterińizge sala keteıik, ótken jyly qazaqstandyq boksshy eki jekpe-jek ótkizip, olarda burynǵy álem chempıony amerıkalyq Rob Brant pen frantsýz Hassan Ndam Njıkamdy merziminen buryn jeńgen bolatyn.