Jánibek Álimhanuly tıtýldyq jekpe-jek ótkizý úshin Las-Vegasqa keldi

NUR-SULTAN. QazAqparat – Orta salmaqtaǵy qazaqstandyq boksshy Jánibek Álimhanuly (8-0, 4 KO) Las-Vegasqa jetti. Ol 10 qazan kúni tańerteń argentınalyq Gonsalo Korıaǵa qarsy aıqas ótkizip, WBO Global jáne WBC Continental Americas tıtýldaryn qorǵaıdy, dep habarlaıdy QazAqparat Sports.kz portalyna silteme jasap.

«Biz qazaqstandyq stıldi kórsetý úshin Las-Vegasqa keldik. Erteń salmaq ólsheý rásimi bolady. Biz daıynbyz!», - dep jazdy Jánibek Twitter paraqshasyna.

Álimhanuly óziniń eń sońǵy jekpe-jegin 2019 jyldyń qarashasynda Nıgerııanyń týmasy, kanadalyq Alberto Onolýnosege (24-3-1, 8 KO) qarsy ótkizip, altynshy raýndta qarsylasyn nokaýtqa jibergen bolatyn. Korııa 2019 jyldyń maýsymynan beri rıngke shyqpaǵan.

Keıingi aıqasynda tóreshilerdiń biraýyzdy sheshimimen meksıkalyq Markos Reıesti (37-8, 28 KO) jeńgen edi.