Jánibek Álimhanuly tıtýldyq aıqasyna daıyndyǵy týraly aıtty

NUR-SULTAN. QazAqparat – Orta salmıaqtaǵy qazaqstandyq boksshy Jánibek Álimhanuly (8-0, 4KO) aldaǵy jekpe-jegine daıyndyqqa qatysty málimettermen blisti, dep habarlaıdy QazAqparat.

⠀

Aıta keteıik, J.Álimhanuly tanymal tálimger Djeıms «Baddı» Makgırttiń jetekshiligimen Kalıfornııada jattyǵady.

«Eki aptada 26 raýnd sparrıng jasadyq. Buıyrtsa 64 raýnd sparrıng qaldy. Jekpe-jekke daıyndyq joǵary deńgeıde júrip jatyr. Chempıondyq tıtýlǵa jaqyndap qaldyq. Bizge bosańsýǵa ýaqyt joq. Barymyzdy salyp jatyrmyz. Qudaı qalasa, tarıh jasaımyz. QAZAQ STYLE», - dep jazdy boksshy Instagram-daǵy paraqshasynda.

Jánibek sońǵy aıqasyn ótken jyldyń qarasha aıynda AQSh-tyq Kalıformnııa shtaty Fresno qalasynda ótkizdi. Ol kanadalyq boksshy Albert Onolýnosti (24-3-1, 8KO) altynshy raýndta nokaýtqa jibergen bolatyn.

VKontakte áleýmettik jelisindegi «Qazaqstannyń kásipqoı boksy» paraqshasynda málim etilgendeı, qazaqstandyq boksshynyń kelesi jekpe-jegi bıylǵy qazan aıynda ótýi tıis.