Jánibek Álimhanuly óz karerasyndaǵy eń úlken jekpe-jegin ótkizedi

NUR-SULTAN. QazAqparat - Qazaqstandyq boksshy Jánibek Álimhanuly (11-0, 7 KO) men brıtandyq Dennı Dıgným (14-0-1, 8 KO) arasyndaǵy orta salmaqtaǵy WBO tujyrymy boıynsha ýaqytsha tıtýl úshin jekpe-jek 21 mamyrda ótedi jáne ol ESPN telearnasyndaǵy boks keshini eń bastysy bolmaq, dep habarlaıdy QazAqparat Sports.kz saıtyna silteme jasap.

«Seısenbi kúni orta salmaqtaǵy WBO tujyrymy boıynsha ýaqytsha tıtýl úshin Jánibek Álimhanuly men Dennı Dıgnýmǵa arnalǵan promoýterlik ótinim joıyldy jáne mámile jasaldy. Olar 21 mamyrda ESPN arnasynyń basty sharasynda kezdesedi», - dep jazdy jýrnalıst Den Rafael Twitter-de Top Rank vıtse-prezıdenti Karl Morrettıdiń sózderine silteme jasap.