Jánibek Álimhanuly men Stıven Batler aıqasy tikeleı efırden kórsetiledi
ASTANA. QazAqparat - Qazaqstandyq jankúıerler orta salmaqtaǵy WBO álem chempıony Jánibek Álimhanuly (13-0, 8 KO) men kanadalyq Stıven Batlerdiń (32-3-1, 26 KO) aıqasyn tikeleı efırden tamashalaı alady, dep habarlaıdy QazAqparat Sports.kz-ke silteme jasap.
Stoktandaǵy (AQSh, Kalıfornııa shtaty) jekpe-jek 14 mamyr kúni Qazaqstan ýaqytymen tańerteń ótedi. Tikeleı kórsetilimdi «Habar» telearnasy uıymdastyrady. Bastalýy Astana ýaqytymen 07.00-de.
Bul - Jánibektiń tıtýlyn ekinshi ret qorǵaýy. Buǵan deıin ol 2022 jyly qarashada tóreshilerdiń biraýyz sheshimimen brıtandyq boksshy Denzel Bentlıdi (18-2-1, 15 KO) jeńgen bolatyn.
