Jánibek Álimhanuly kezekti jekpe-jegin AQSh-ta ótkizedi

NUR-SULTAN. QazAqparat – Qazaqstandyq kásipqoı boksshy Jánibek Álimhanuly kezekti jekpe-jegi týraly aıtty, dep habarlaıdy QazAqparat.

Boksshynyń aldaǵy jekpe-jegi 17 tamyzda AQSh-tyń Los-Andjeles qalasynda ótedi.

«Jekpe-jek ýaqyty belgili boldy. Qazaq stılin taǵy bir kórsetetin sát týdy. Qarsylas osy aptada anyqtalady. Jeńiste júzdeseıik!», - dep jazady Jánibek Álimhanuly óziniń instagram paraqshasynda.

Eske sala ketsek, 13 sáýirde qazaqstandyq boksshy Jánibek Álimhanuly (4-0, 1 KO) alǵashqy tıtýldyq aıqasyn ótkizgen bolatyn. AQSh-tyń Los-Andjeles qalasynda bolǵan jekpe-jekte ol Krıstıan Olıvaspen (16-4, 13 KO) judyryqtasyp, jeńiske jetti. Qazaqstandyq boksshy orta salmaqtaǵy WBO Global jáne WBC Continental Americas belbeýlerin ıelendi.

Sondaı-aq, birden eki beldik ıelengen Jánibek Álimhanulynyń reıtıngi joǵarylady.