Jánibek Álimhanuly qazaq boksy stılin tarıhta qaldyrýǵa ýáde berdi

NUR-SULTAN. QazAqparat – Qazaqstandyq kásipqoı boksshy Jánibek Álimhanuly (7-0, 3 KO) 9 qarashada ótetin aıqasy burynǵydan ózgerek bolatynyna ýáde berdi, dep habarlaıdy QazAqparat tilshisi.

«Bul jekpe-jek burynǵydan ózgerek bolady. Biz daıynbyz! Buıyrtsa, ózderińiz kútkennen de qyzyq jekpe-jek tamashalaısyzdar! Maǵan senim artyp, qoldap, jyly pikir jazyp jatqandaryńyzǵa kóp rahmet. Sizder bolyp, biz bolyp áli álemdi shýlatamyz. Biz QAZAQ STYLE-dy tarıhta qaldyramyz», - dep jazdy Jánibek Álimhanuly Instagram-paraqshasynda.

Eske sala ketsek, Jánibek Álimhanuly kezekti jekpe-jegin 39 jastaǵy kanadalyq boksshy Albert Onolýnosqa qarsy ótkizetini buǵan deıin habarlanǵan bolatyn. 26 jastaǵy qazaqstandyq boksshy óziniń orta salmaqtaǵy WBC Continental Americas tıtýlyn 9 qarashada Fresno qalasynda (Kalıfornııa, AQSh) qorǵaıdy.

Ol sońǵy jekpe-jegin 17 tamyzda Los-Andjeleste ótkizdi. Besinshi raýndta kanadalyq Stıýart MakLellandy nokaýtqa jiberip, WBC Continental America jáne WBO Global ortasha salmaq dárejesin qorǵaǵan bolatyn.