Jánibek Álimhanuly «Kanelony» jańa stılmen bokstasýǵa shaqyrdy

NUR-SULTAN. QazAqparat – Qazaqstandyq kásipqoı boksshy Jánibek Álimhanuly (9-0, 5 KO) Saýl «Kanelo» Alvaresti taǵy da jekpe-jekke shaqyrdy, dep habarlaıdy QazAqparat boksshynyń tvıtterine silteme jasap.

Óz tvıtterinde qazaqstandyq boksshy «Kanelony» esh qınalmaı jeńetini týraly aıtty.

«Eger siz Kanelony eshkim jeńe almaıdy dep oılasańyz, onda siz qatty qatelesesiz. Men ony op-ońaı jeńe alamyn. 2021 jyldy QAZAQ style vs MEXICAN STYLE jasaıyq», – dedi Álimhanuly.

Eske sala keteıik, buǵan deıin qazaqstandyq boksshy «Álemge jańa chempıon, jańadan kóretin boksshy kerek!» dep málimdeme jasaǵan edi. Ol ortasha dıvızıondaǵy basqa chempıondar Djermall Charlo, Saýl «Kanelo» Alvares jánen Demetrıýs Andradege birneshe ret úndeý jibergen.

Jánibek Álimhanuly orta salmaqtaǵy WBO Global chempıony. Sońǵy jekpe-jegin qyrkúıek aıynda ótkizgen. Ol kezde argentınalyq boksshy Gonsalo Korııany (16-4, 6 KO) ekinshi raýndta nokaýtqa túsirdi.