Jánibek Álimhanuly Haıme Mýngııany jekpe-jekke shaqyrdy

ASTANA. QazAqparat - WBO nusqasy boıynsha orta salmaqtaǵy álem chempıony Jánibek Álimhanuly óz dıvızıonyndaǵy Dúnıejúzilik boks uıymy reıtıngisindegi kóshbasshylardyń biri - meksıkalyq Haıme Mýngııany aıqasqa shaqyrdy, dep habarlaıdy QazAqparat.

13 qarasha kúni tańerteń «Qazaq style» Las-Vegasta tıtýlyn alǵash ret qorǵap, tóreshilerdiń biraýyzdan qabyldaǵan sheshimimen brıtandyq Denzel Bentlıdi jeńgen edi. Buǵan deıin WBO eger Álimhanuly jeńse Mýngııamen mindetti aıqas ótkizýi tıis degen sheshim qabyldaǵan bolatyn.
«Mýngııa jekpe-jekke kelisedi dep úmittenemin jáne sony asyǵa kútemin», - dep jazdy Jánibek Twitter-de.
Aıta keteıik, Haıme Mýngııa rıngke 19 qarashada Gvadalaharda (Meksıka) argentınalyq Gonsalo Korııamen judyryqtasady. Álimhanuly 2020 jyly G.Korııany nokaýtpen jeńgen bolatyn.

Tegter:

Бокс Спорт Қоғам

Сейчас читают