Jánibek Álimhanuly chempıondyq aıqasy jáne jospary týraly aıtty

NUR-SULTAN. QazAqparat – Burynǵy álem chempıony Hassan Ndamdy (38-6, 21 KO) jeńgen orta salmaqtaǵy qazaqstandyq boksshy Jánibek Álimhanuly (11-0, 7 KO) jankúıerlerine málimdeme jasady, dep habarlaıdy QazAqparat Sports.kz saıtyna silteme jasap.

Álimhanuly men Njıkamnyń jekpe-jegi 21 qarasha kúni Las-Vegasta ótti. Qazaqstandyq boksshy tehnıkalyq nokaýtpen segizinshi raýndta jeńiske jetti. Osy aıqastan keıin boksshynyń menedjeri Egıs Klımas WBO-dan J.Álimhanulyn orta salmaqtaǵy WBO álem chempıony tıtýtylyna mindetti úmitker etýin surady. Bul tıtýl qazirgi kezde amerıkalyq Demetrıýs Andradege tıesili.

«Qurmetti jankúıerler! Allaǵa shúkir, bir kezeńdi artta qaldyrdyq. Bıyl biz eki eks-chempıondy jeńdik. Aldymyzda chempıondyq aıqas. Bizdiń kez kelgen chempıonǵa qarsy shyǵýǵa daıyn ekenimizdi bilesizder. Sizder sııaqty biz de jańalyq kútemiz. Áleýmettik jelilerdegi belsendilikti azaıtamyz. Qoldaýlaryńyz úshin kóp raqmet», - dep jazdy Instagram-da Jánibektiń komandasy.

Aıta keteıik, J.Álimhanuly Hassan Ndam Njıkamdy jeńgennen keıin Transulttyq boks reıtıngi keńesiniń (TBRB) tujyrymy boıynsha orta salmaqtaǵy eń úzdik boksshylar tiziminde pozıtsııasyn jaqsartty.