Jánibek Álimhanuly: Bul - meniń ǵana emes, elimniń jeńisi

NUR-SULTAN. QazAqparat - Qazaqstandyq boksshy Jánibek Álimhanuly (6-0, 2 KO) meksıkalyq Krıstan Olıvaspen (16-5, 13 KO) bolǵan aıqas jaıly aıtyp berdi, dep habarlaıdy Sports.kz.

Jánibek Los-Andjeleste ótken Vasılıı Lomachenko - Entonı Krolla boks keshi aıasynda tóreshilerdiń sheshimimen Olıvastan basym túsip, orta salmaqtaǵy WBO Global jáne WBC Continental Americas belbeýlerin ıelendi.

«Bul tek meniń ǵana emes, elimniń jeńisi. Búkil eldiń belbeýi. Jeńispen quttyqtaımyn. Sizderdiń qoldaýlaryńyzdy ózgeshe sezindim. Pikir qaldyrǵandaryńyzǵa úlken rahmet! Bul tek bastamasy! Alla qalasa, qazaq stılin álemge tanytamyz!», - dep jazdy Jánibek ınstagramǵa.