Jánibek Álimhanuly bolashaq qarsylastaryn jekpe-jekke shaqyrdy

NUR-SULTAN. QazAqparat – Qazaqstandyq boksshy Jánibek Álimhanuly (11-0, 7 KO) frantsýz Hassan Ndam Njıkamdy (38-6, 21 KO) jeńgennen keıin óziniń bolashaq qarsylastaryn jekpe-jekke shaqyrdy, dep habarlaıdy QazAqparat Sports.kz-ke silteme jasap.

«Kelesi kim?» - dep surady Álimhanuly Twitter-de óziniń eki chempıondyq beldigin kórsetip. Erterek Jánibek Álimhanuly birneshe ret orta salmaqtaǵy álem chempıondaryn jekpe-jekke shaqyrǵan.

Njıkamǵa qarsy aıqasta qazaqstandyq WBC Continental Americas jáne WBO Global tıtýldaryn qorǵap shyqty. Ol úshinshi raýndta frantsýzdy nokdaýnǵa jiberip, segizinshi raýnda jekpe-jekti ýaqytynan erte aıaqtady. Bul 28 jastaǵy boksshynyń qatarynan besinshi nokaýty. Álimhanuly nokaýtpen jeńiske jetkennen keıin óziniń jankúıerlerine arnap vıdeo jazdy.