Jánibek Álimhanuly boks jankúıerleri jeńimpazdy tańdaıtyn nomınatsııaǵa usynyldy

NUR-SULTAN. QazAqparat - Top Rank promoýterlik kompanııasy qazaqstandyq boksshy Jánibek Álimhanulynyń (11-0, 7 KO) 2021 jylǵy jetistigin atap ótti, dep habarlaıdy QazAqparat Sports.kz saıtyna silteme jasap.

Álimhanuly boks jankúıerlerine «Jyl serpini» nomınatsııasynyń jeńimpazyn tańdaý usynylatyn Top Rank posterine shyqty.

Bıyl Jánibek Álimhanuly eki jekpe-jek ótkizdi. Orta salmaqtaǵy burynǵy álem chempıondary amerıkalyq boksshy Rob Brantpen (26-3, 18 KO) jáne frantsýz Hassan Ndam Njıkammen (38-6, 21 KO) judyryqtasty.

Ekeýin de Álimhanuly segizinshi raýndta tehnıkalyq nokaýtpen jeńdi.

Bul jeńister qazaqstandyqqa WBO tujyrymy boıynsha orta salmaqtaǵy álem chempıony amerıkalyq boksshy Demetrıýs Andrademen (31-0, 19 KO) kezdesýine múmkindik berdi.