Jánibek Álimhanuly alǵash ret álemniń úzdik boksshylar reıtıngisine endi

ASTANA. QazAqparat – World Boxing News portaly 2022 jylǵy qarashadaǵy jaǵdaı boıynsha salmaq dárejesine qaramastan (pound for pound) álemdegi eń úzdik 50 boksshynyń qazirgi reıtıngisin usyndy, dep habarlaıdy QazAqparat Sports.kz saıtyna silteme jasap.

Jaqynda WBO nusqasy boıynsha orta salmaqtaǵy óziniń álem chempıony tıtýlyn sátti qorǵaǵan qazaqstandyq boksshy Jánibek Álimhanuly tizimge alǵash ret endi. Ol reıtıngide 49-orynda tur.

IBF, WBA Super jáne IBO orta dıvızıonynyń ıegeri Gennadıı Golovkın tizimniń 28-qatarynda.

Tizimde ýkraınalyq sýper aýyr salmaqtaǵy WBA, WBO jáne IBF chempıony Aleksandr Ýsık kósh bastady. Ekinshi orynda ekinshi orta salmaqtaǵy absolıýtti álem chempıony meksıkalyq Saýl «Kanelo» Alvares tur.

Buǵan deıin habarlanǵandaı, WBO Jánibek Álimhanuly (13-0, 8 KO) men odan salmaǵy tómendeý meksıkalyq burynǵy chempıon Haıme Mýngııa (41-0, 33 KO) arasynda jekpe-jekti belgiledi.

Foto: sports.kz