Jánibek Álimhanuly álemniń eks-chempıonymen aıqas aldynda koronavırýsqa test tapsyrdy
NUR-SULTAN. QazAqparat – Qazaqstandyq boksshy Jánibek Álimhanuly (9-0, 5 KO) orta salmaqtaǵy burynǵy álem chempıony Rob Brantpen (26-2, 18 KO) jekpe-jek úshin Las-Vegasqa ushýǵa daıyndyq ústinde, dep habarlaıdy QazAqparat Sports.kz saıtyna silteme jasap.
Jánibek Álimhanuly komandasynyń ınstagram-akkaýntynda boksshy jáne onyń qasyndaǵylardyń sapar aldynda koronavırýsqa test tapsyrǵany habarlandy. Sársenbi kúni olar Nevadaǵa ushýdy josparlap otyr. Beısenbi kúni shoý qatysýshylarynyń baspasóz máslıhaty ótpek. Jekpe-jek Nur-Sultan ýaqytymen 27 maýsym kúni tańerteń ótedi.
Eske sala keteıik, keshtiń basty aıqasy eki salmaq dárejesindegi eks-chempıon, ýkraınalyq Vasılıı Lomachenko men japondyq ókil Masaeshı Nakatanı arasynda bolady.
