Jánibek Álimhanuly álemdik reıtıngte 66-orynǵa joǵarylady

ASTANA. QazAqparat - Qazaqstannyń kásipqoı boksshysy Jánibek Álimhanuly (5-0, 2 KO) besinshi kezdesýinen keıin abyroıly sanalatyn Boxrec.com saıtynda reıtıngtegi kórsetkishterin birshama jaqsartyp aldy, dep habarlaıdy QazAqparat Sports.kz saıtyna silteme jasap.
None
None

Eske sala ketsek, kásipqoı boksshymyz Jánibek Álimhanuly (4-0, 1 KO) AQSh-ta kezekti jekpe-jegin búgin ótkizip, «Hıtmen» laqap atymen tanymal amerıkalyq Stıven Martınespen (18-4, 13 KO) nokaýtqa jibergen bolatyn.

Osynaý jarqyn jeńis BoxRec reıtınginde boksshy 66 pozıtsııaǵa bir-aq kóterilip, 84-shi orynǵa shyǵyp otyr.

Sheteldik sarapshylardyń kóbi Álimhanuly týraly tamsana oı bólisip jatyr. Tipti ony qazirdiń ózinde bolashaq álem chempıony dep atap jatqandar bar.

Jánibek Álimhanuly kásipqoı bokstyń sharshy alańynda 2016 jyldyń qazan aıynda debıýttik kezdesý ótkizgen bolatyn. Alaıda arada kóp ótpeı Jánibek sharshy alańnan kórinbeı ketken edi. Alaıda amerıkalyq áıgili promoýter Bob Arýmmen kelisimge qol qoıǵannan keıin Jánibek 2018 jyldyń qyrkúıek aıynda qaıtadan jasyndaı jarqyldaı bastady.

Jánibekti otandastarymen birge sheteldegi jankúıerleri de quttyqtap jatyr. Boksshy búgin ınstagram paraqshasynda quttyqtaýshylardyń biri - amerıkalyq kásipqoı boksshy Andre Ýord bolǵanyn jazyp, áıgili boksshymen birge túsken fotosýretin jarııalady.

Сейчас читают